178
客人評語：
話說我地本身搵mc時只係想兄弟姊妹無禁辛苦，享受我地的婚禮，但當我地同你約見後就覺得你好穩陣，好細心，時間觀念都好重，又謙虛同有禮貌，所以我地無考慮其他mc，覺得一定要搵你了。然後係我地一直籌備婚禮時有好多問題，你都即刻比到好多建議我哋，令到我地越黎越覺得請mc係好值得同好需要，對結婚流程信心大左好多。到big day前你再搵我地傾，更好細心地睇我地流程有無問題或注意。你真係跟得好好。到當日我哋兩個好放心交比你，因比想像中多左親戚敬茶，以為會over run，cut外影都唔緊要，點知你又幫我地追返d時間同見到你同攝影師化妝師好好溝通，最後我地不但無over run，而且有更鬆動時間影外影。多謝你。
遇上你是我們的榮幸，也是一種緣份。令我地流程好順暢，同有突發事情時你好識處理。多謝你比左個聖誕假我地，現送上聖誕禮物。
MC Jack Lam後記：
我絕對唔係世界最好，因爲行業有好多前輩，不過能夠成為「您們的最好」～絕對係我既榮幸～為我既司儀之路及理想繼續打氣！呢份禮物真係好窩心同好震撼，就算講到喉嚨都乾，用呢個樽飲咩都warm！
