200
新娘子Wing評語：
好多謝你呀Jack！講10次都唔夠。琴日諗住簡單嘅證婚，本身諗住搵大家姐幫手充當MC，講2句，叫d人埋位就搞掂。冇諗過原來真係都會亂，但好彩有你係度。我大家姐都話「原來要做咁多野，講咁多野，好彩我地有MC係度」，你真係幫左我地好多好多。所有野一切盡在不言中。
我地以後都會識得同人講，就算證婚，都真係要有專業嘅MC幫手，大力推介。你既好唔單止係on stage時嘅表演，你嘅臨場反應，仲有嘅係你係背後幫我地安排嘅野，好多細心嘅位，我地冇諗過嘅你都幫我地諗埋。呢啲係要親身感受先可以講到出黎。期待27.9再次見面。到時又麻煩到你了！
新郎哥Kyo評語：
Jack，好多好多感謝嘅說話想講，今日全日都好彩有你幫手，今日先可以咁順利咁好氣氛下，去俾在場嘅賓客享受到呢一日，能夠有你去幫我地完成人生最重要嘅一日，我同wing都好感恩同好放心，無諗到你會突然一口答應黎到證婚，我地本來只係諗住簡單完成。
賓客們到記得你句321係三年抱兩，一生一世，好正。仲有俾左機會我多謝原本無諗過要做嘅致謝呢part，有朋友都因我講左嘅話，覺得黎今次證婚嘅決定係無錯，好彩無錯過到。
今日時間太趕，無機會好好多謝你，期待927嘅派對又與你同台。
Btw，花仔花女無音樂，果然都考唔到你，你嘅執生能力真係強到要佩服下！
